Etxauri Baserria

Etxeko ohiturak ustartzen dituen baserria da, etxerako oiloak jartzen hasi ginen eta hortik aurrera lagunak, familiantzako eta gero eta lagun gehiago arraultzen eske hasi ziren.

Hau honela, etxaldea pixkanaka-pixkanaka handitzen hasi ginen eta berdina gertatu zitzaigun barazki eta ortuariekin.

Ziurtagiri ekologikoa izan ez arren, gure produktua ahalik eta ekologikoena izaten saiatzen gara, ez dugu pestizidarik ezta ongarri kimikorik erabiltzen. Gauzak betidanik, tradizioz, egin diren moduan egiten ditugu.

Haran oso heze eta euritsuan bizi garenez, gure lurrak ureztatzeko ez dugu ur kontsumo askorik behar, urte guztian zehar euri asko egiten du eta honek uzta ona edukitzea ziurtatzen digu.

Neguan egia da hotz asko egiten duela eta barazkiek izoztaldi asko jasan behar izaten dituzte, guzti honengaitik da gure produktua hain berezia.

Apurka-apurka denda batzuk gure produktuaren eskean hasi ziren eta hauentzat baimen bereizleak ateratzea beharrezkoa izan zen.

Arazo eta beharrezko inbertsioen ostean, dena araututa izatea lortu genuen.

Eta filosofia honekin, barazkiak, ortuariak eta arrautzak modu tradizionalean ekoizten saiatzen gara.